पोखरा । कास्की प्रहरीले चोरीका गरगहनासहित दुई जनालाई पक्राउ गरेको छ ।
पक्राउ पर्नेमा पर्सा जिल्लाको पर्सागढी -२ घर भई हाल १२ बस्ने बर्ष २२ की शिवदेवी चौधरी र पोखरा बुद्दचोकमा रहेको एक मोवाइल पसल संचालक रहेको प्रहरीले जनाएको छ । प्रहरीले मोबाइल पसलेको विवरण भने खुलाएको छैन ।
उनीहरुलाई पोखरा १२ स्थित पशु सेवा तालिम केन्द्रको आवास कोठाबाट चोरी भएका झन्डै १६ तोला सुनका गरगहनासहित पक्राउ गरिएको कास्की प्रहरी प्रवक्ता, डिएसपी श्रवणकुमार विकले जानकारी दिए ।
डिएसपी विकका अनुसार पक्राउ पर्ने मध्ये शिवदेवी चौधरी पिडित घरमा काम गर्ने गरेको र उनले उक्त गरगहना चोरी गरेर मोबाइल पसलमा लगेर पसल संचालकलाई लुकाउन दिएको खुल्न आएको हो ।
उनीहरुमाथि चोरी तथा डाँका सम्बन्धी कसूरमा अदालतबाट ६ दिन म्याद थप गरी अनुसन्धान भइरहेको प्रहरीले जनाएको छ ।