पोखरा । लमजुङको बेसीसहर गैरीधारा नजिकैको सडकमा मोटरसाइकल दुर्घटनामा परेर एक युवकको ज्यान गएको छ ।
ना ४७ प ६४६९ नम्बरको मोटरसाइकल सडकमा रोकेर राखेको ग १ त ३८४२ नम्बरको ट्याक्टरसँग ठोकिदा झापा गौरादह–५, घर भई हाल रानीकुवा बस्दै आएका २५ वर्षीय मनिष श्रेष्ठको मृत्यु भएको प्रहरीले जनाएको छ ।
लमजुङ प्रहरीका अनुसार राति साढे ११ बजेको समयमा दुर्घटना हुँदा सख्त घाइते भएका श्रेष्ठलाई उपचारको लागि लमजुङ अस्पतालमा लगिएकोमा उपचारका क्रममै मृत्यु भएको हो ।
प्रहरीले ट्याक्टर चालकलाई नियन्त्रणमा लिएर थप अनुसन्धान भइरहेको जनाएको छ ।
