पोखरा । कास्कीमा ट्याक्टर दुर्घटनामा परेर एक युवकको ज्यान गएको छ ।
मृत्यु हुनेमा तनहुँ घर भई पोखरा १३ कसेरीदाना बस्ने ट्याक्टरका सहचालक २० वर्षीय सुजन नेपाली रहेको कास्की ट्राफिक प्रहरीले जनाएको छ ।
प्रहरीका अनुसार मादी गाउँपालिकाको ताप्रेडाँडाबाट सिक्लेस बसपार्कतर्फ आउँदै गरेको ग१त ६०६७ नम्बरको ट्याक्टर गएराति दुर्घटना हुँदा गम्भीर घाइते भएका नेपालीको पोखरा स्वास्थ्य विज्ञान प्रतिष्ठानमा उपचारको क्रममा मृत्यु भएको हो ।
प्रहरीले दुर्घटनापछि ट्याक्टर चालक सोमबहादर कामीलाई नियन्त्रणमा लिएको छ ।