पोखरा । पोखरामा मोटरसाइकल वर्कशपमा आगो लगाउने एक व्यक्ति पक्राउ परेका छन् ।
पोखरा १७ नागेश्वर मार्गमा अर्जुन बैठाले संचालन गरेको सि.पि. वर्कशपमा आगो लगाएर भाग्ने पोखरा २१ कृष्तीका ३६ वर्षीय आनन्द थापा पक्राउ परेको प्रहरीले जनाएको छ ।
कार्तिक ७ गते बिहान २:५० बजेको समयमा आगो लगाएर भागेका थापालाई उनकै निवासबाट पक्राउ गरिएको वडा प्रहरी कार्यालय बैदामका डिएसपी, राजेन्द्र श्रेष्ठले जानकारी दिए ।
डिएसपी श्रेष्ठका अनुसार सिसि क्यामेरा फुटेजबाट देखिएको हुलियाका आधारमा उनलाई पक्राउ गरिएको हो ।
थापालाई आपराधिक उपर्धो मुद्दामा अदालतबाट म्याद थप गरेर अनुसन्धान भइरहेको प्रहरीले जनाएको छ ।