पोखरा । नेपाली बजारमा सुनको भाउ आज पनि ह्वात्तै बढेको छ ।
सुनको भाउ आज एकै दिनमा एक हजार ६०० रुपैयाँले बढेर एक लाख १९ हजार ३०० रुपैयाँमा कारोबार भइरहेको छ । नेपाल सुनचाँदी व्यवसायी महासंघका अनुसार यो हालसम्मकै उच्च मूल्य हो ।
यसअघि मंगलबार ३०० रुपैयाँले बढेर एक लाख १७ हजार ७०० रुपैयाँ र सोमबार ५०० रुपैयाँले बढेर एकलाख १७ हजार ४०० रुपैयाँमा प्रतितोला छापावाला सुनको कारोबार भएको थियो ।
बुधबार तेजाबी सुन तोलामा एक लाख १८ हजार ७५० रुपैयाँमा कारोबार भइरहेको छ ।
यस्तै, चाँदीको मूल्यले पनि नयाँ रेकर्ड बनाएको छ । चाँदी तोलामा एक हजार ५२० रुपैयाँमा कारोबार भइरहेको महासंघले जनाएको छ ।
