ब्रेक फेल भएर पल्टियो बस

पोखरा । पोखरा-२७ लेखनाथस्थित अर्चलेमा शनिबार बिहान बस दुर्घटना हुँदा चालक र सहचालक घाइते भएका छन् ।

दुर्घटनामा परी चालक पोखरा-२७ निवासी ४२ वर्षीय टीकाराम विक र सहचालक पोखरा-१४ निवासी ४१ वर्षीय शालिकराम सुवेदी घाइते भएका हुन् ।

जिल्ला प्रहरी कार्यालय कास्कीका अनुसार घाइते दुवै जनाको पोखरा स्वास्थ्य विज्ञान प्रतिष्ठानमा उपचारपछि अस्पताल प्रशासनले शनिबार साँझ डिस्चार्ज गरेको छ ।

उनीहरुको शरीरमा भित्री चोट नदेखिएको अस्पतालका निर्देशक भरत खत्रीले जानकारी दिए ।

पोखरा-२७ को आरुपाटाबाट पोखरातर्फ आउँदै गरेको बेगनास ताल बस व्यवसायी समितिअन्तर्गत ग१ख ८६८० नंको बस पल्टिएको हो ।

बसमा चालक र सहचालक मात्र थिए । ब्रेक फेल भई बस सडकमै दुर्घटना भएको हो ।

दुर्घटनाग्रस्त बस सडकमै ठाडो अवस्थामा छ । घटनाबारेमा शिशुवा प्रहरी चौकीले अनुसन्धान सुरु गरेको छ ।

सम्बन्धित न्यूज

Leave a Reply

Your email address will not be published. Required fields are marked *

Back to top button