मध्यान्तर अघि नेपाल ४–० ले अगाडि

पाेखरा । नेपाल सातौँ संस्करणको महिला साफ च्याम्पियनशिपमा समूह विजेता बन्दै सेमिफाइनलमा पुग्ने लगभग पक्का भएको छ ।

दशरथ रंगशालामा जारी श्रीलंकाविरुद्धको समूह चरणको अन्तिम खेलमा नेपाल मध्यान्तरसम्म ४-० ले अगाडि छ ।

नेपालका लागि रेखा पौडेलले २ तथा सविता रानामगर र सावित्रा भण्डारी साम्बाले १-१ गोल गरे ।

समूह बी मा भुटान ३ खेलमा ७ अंकसहित शीर्ष स्थानमा छ । भुटानको गोल अन्तर १६ भएको छ । समूह विजेता बन्न नेपालले श्रीलंकालाई कम्तीमा ५ गोलको अन्तरले हराउनु पर्ने हुन्छ ।

नेपालको २ खेलमा ४ अंक र श्रीलंकाको २ खेलमा ३ अंक छ । बराबरी गर्दा वा सामान्य जितले भने नेपाल उपविजेता बन्दै सेमिफाइनलमा पुग्नेछ ।

नेपालले यसअघि माल्दिभ्सलाई ११-० ले हराएको थियो । नेपालले पहिलो पटक भुटानसँग गोलरहित बराबरी खेलेको थियो भने भुटानले श्रीलंकालाई ४-१ ले हराएको थियो ।

तर नेपाल मध्यान्तरसम्मै ४-० ले अगाडि रहेकाले समूह विजेता नै बन्ने लगभग पक्का छ ।

अर्को समूहबाट बंगलादेश समूह विजेता र भारत उपविजेता बन्दै सेमिफाइनलमा पुगेको छ । नेपाल समूह विजेता भए सेमिफाइनलमा भारत प्रतिद्धन्द्धी हुनेछ ।