काठमाडौं । काठमाडौंमा कोरोना संक्रमित भेटिएको सोमबार सरकारले पत्रकार सम्मेलन गरेर जानकारी दिएको छ ।
स्वास्थ्यमन्त्री भानुभक्त ढकालले विदेशबाट फर्केका एक नेपाली नागरिकमा कोरोना संक्रमण देखिएको पुष्टि गरेका हुन् । फ्रान्सबाट फर्किएकी एक १९ बर्षीया युवतीमा कोरोना संक्रमण भेटिएको हो ।
नेपालमा कोरोना संक्रमण देखिएको यो दोस्रो घटना हो । यस अघि चीनको वुहानबाट फर्किएका व्यक्तिमा पनि सङ्क्रमण देखिएको थियो। संक्रमण देखिएका नागरिक उपचार पश्चात् घर फर्किसकेका छन् ।
