पोखरा । तनहुँमा ३ दिनदेखि हराइरहेका आमाछोरी मृत अवस्थामा फेला परेका छन् ।
तनहुँ ब्यास नगरपालिका- १ भादगाँउकी अन्दाजी ३४/३५ बर्षीया रबिता श्रेष्ठ र उनकी अन्दाजी ११/१२ बर्षीया छोरी प्रिया श्रेष्ठको शव पानीमा तैरिएको अवस्थामा फेला परेको प्रहरीले जनाएको छ ।
शनिबार बिहान ११ बजे बालिका प्रिया रिसिङ गाउँपालिका-१ कोयिदिन घाट स्थित सेति नदीमा तथा ११:३० बजे ऋसिङ गाउँपालि -३ को मास्ती घाटस्थित सेती नदीमा बालिकाकी आमा रबिता मृत फेला परेको गण्डकी प्रदेश प्रहरी कार्यालय पोखराका प्रहरी नायव उपरीक्षक राजेन्द्र बावु रेग्मीले जानकारी दिए ।
प्रहरीका अनुसार उनीहरु वैशाख १० गतेदेखि सम्पर्कविहिन भएका थिए । मृतक महिलाका श्रीमान हरीकृष्ण श्रेष्ठ (बालिकाको बुवा ) कामको शिलशिलामा भारत तर्फ गएको बताइएको छ ।
घटनाका बारेमा अनुसन्धान भइरहेको प्रहरीले जनाएको छ ।
