पाेखरा न्यूज । एएफसी महिला एसियन कप २०२२ छनोटअन्तर्गत दोस्रो खेलमा हङकङसँग खेल्ने नेपाली टोलीको सुरुवाती एघार सार्वजनिक भएको छ ।
उज्वेकिस्तानको जेएआर स्टेडियममा हुने दोस्रो खेलमा लागि नेपाली टोलीको प्लेइङ सेट सार्वजनिक भएको हो । खेल नेपाली समयअनुसार दिउसो ३:४५ बजे सुरु हुनेछ ।
प्रशिक्षक फिलिप्स ग्यारीले फिलिपिन्ससँगको खेलबाट १ मात्रै खेलाडी परिवर्तन गर्नु भएकाे छ। चोट बोकेकाे कारण पुजा रानाको स्थानमा विमला विकले हङकङविरुद्ध खेल्नुहुनेछ । विमलाले फिलिपिन्सविरुद्ध दोस्रो हाफमा मैदान प्रवेश गर्दै डेब्युसमेत गर्नुभएकाे थियाे ।
रेनुका नगरकोटीको कप्तानीमा हङकङविरुद्ध खेल्ने सुरुवाती-११ मा प्रिती राई, सविता राना मगर र विमला चौधरीले अट्याकको भूमिका निभाउनु हुनेछ ।
यस्तै मिडलाइनमा रेनुकासहित, दिपा राई, मन्जली कुमारी योन्जन र सरु लिम्बुलाई जिम्मेवारी दिइएको छ ।
यस्तै डिफेन्समा हिरा कुमारी भुजेल, गीता राना, अमृता जैशी र विमला विक रहनु भएकाे छ । गोलरक्षकमा भने एन्जिला तुम्बाप्पो सुब्बा रहनु भएकाे छ ।
यसअघि पहिलो खेलमा नेपाल फिलिपिन्ससँग २-१ गोल अन्तरले पराजित भएको थियो ।
नेपालको सुरुवाती-११
गोलकिपर – अन्जिला सुब्बा
डिफेन्डर – हिरा कुमारी भुजेल, अमृता जैशी, गीता राना, विमला विक
मिडफिल्डर – रेनुका नगरकोटी, सरु लिम्बु, मन्जली कुमारी योन्जन
फरवार्ड – प्रिती राई, सबिता राना मगर, विमला चौधरी
