डिएनबी, पोखरा न्युज – २५ चैत्र ।
पर्यटक हाईस माईक्रो बसको ठक्करले शनिबार पोखराको सराङकोट स्थित लामागाँउमा एक युवाको मृत्यु भएको छ ।
सराङकोटबाट पोखरा बजारतर्फ आउदै गरेको ग १ प ६८ नम्बरको हरियो प्लेटको पर्यटक हाईस माईक्रो बसको ठक्करले स्कुटर चालक स्थानिय रामु पुनको मृत्यु भएको प्रहरीले जनाएको छ ।
विपरित दिशाबाट गएको ग १ प ४७२८ नम्बरको स्कुटर चालक ३५ बर्षीय पुनलाई हाईसले ठक्कर दिएसंगै उनको उपचारको क्रममा अस्पतालमा मृत्यु भएको अस्पताल श्रोतले जनाएको छ । हाईस माईक्रो बसको चालकलाई प्रहरीले नियन्त्रणमा लिएको छ। हाईस माईक्रोको लापरवाहीको कारण स्कुटर चालक सराङकोट निवासी पुनको मृत्यु भएको स्थानियले दाबी गरेका छन।
(फाइल फोटो)