स्याङ्जा, ३२ जेठ । स्याङ्जामा जेष्ठ नागरिक दुर्व्यवहारविरुद्ध सचेतना कार्यक्रम सम्पन्न भएको छ ।
समुदाय-प्रहरी साझेदारी लघुसचेतना तथा ग्रामिण गस्ती अन्तर्गत जिल्लाका विभिन्न स्थानमा सचेतना कार्यक्रम सम्पन्न भएको जिल्ला प्रहरी कार्यालय स्याङ्जाले जानकारी दिएको छ ।
स्याङ्जा प्रहरीका अनुसार कार्यालय मातहतका इलाका प्रहरी कार्यालय जयपते, प्रहरी चौकी अर्जुनचौपारी, पिडीखोला र सेतिदोभानबाट खटिएको प्रहरी टोलीले स्थानीय स्तरमा सचेतनामूलक कार्यक्रम गरेका हुन् ।
सचेतना कार्यक्रममा सयौँको संख्यामा जेष्ठ नागरिक तथा समुदायका नागरिकको सहभागिता रहेको थियो ।
