नवलपरासी(पश्चिम) मा भाउजूको हत्या गरेको आरोपमा देवर पक्राउ परेका छन् ।
जिल्लाको रामग्राम नगरपालिका-१० मंझरिया बस्ने २५ वर्षीया मिरा चौधरीको हत्या गरेको आरोपमा उनकै २७ वर्षीय देवर चन्दन चौधरीलाई प्रहरीले पक्राउ गरेको हो । जग्गाको विषयमा विवाद हुँदा चन्दनले मिरालाई बाइकको सकरले प्रहार गरेर हत्या गरेको प्रहरीले जनाएको छ ।
घटनामा गम्भीर घाइते मिरालाई उपचारका जिल्ला अस्पताल परासीबाट मेडिकल कलेज भैरहवा रूपन्देही रिफर गरिएकोमा उपचारको क्रममा उनको मृत्यु भएको हो ।
घटना बारे थप अनुसन्धान थालिएको प्रहरीले जनाएको छ ।
