पोखरामा स्कुटर जलेर ध्वस्त

पोखरा । पोखरामा आज दिउँसो स्कुटरमा आगलागी हुँदा जलेर ध्वस्त भएको छ ।

पोखरा महानगरपालिका वडा नं २९ भण्डारढिकस्थित बिन्धवासिनी आयल स्टोरमा पेट्रोल भर्नेक्रममा स्कुटरमा एक्कासि आगलागी भएको हो ।

आज दिउँसो ४ बजे ग८प ८२१८ नम्बरको स्कुटरमा आगलागी भएको छ ।

आगलागीबाट स्कुटर ध्वस्त भएपनि अन्य क्षति नभएको प्रहरीले जनाएको छ ।

आगलागीको कारणबारे अनुसन्धान भइरहेको प्रहरीले जनाएको छ ।