पोखरा । नेपाली बजारमा सुनको मूल्यमा आज पनि गिरावट आएको छ । सुनको भाउ आज एकै दिनमा तोलामा एक हजार आठ सय रुपैयाँ घटेको हो ।
भाउ घटेसँगै छापावाला सुनको भाउ प्रतितोला एक लाख ३६ हजार नौ सय रुपैयाँ र तेजावी सुनको भाउ एक लाख ३६ हजार दुई सय ५० रुपैयाँ कामय भएको छ ।
नेपाल सुनचाँदी व्यवसायी महासंघका अनुसार चाँदीको भाउ पनि आज तोलामा १० रुपैयाँले घट्दै एक हजार आठ सय ५५ रुपैयाँमा कारोबार भइरहेको छ ।
सुनको भाउ बिहीबार पनि एक हजार आठ सय रुपैयाँले नै घटेको थियो । बिहीबार छापावाला सुन प्रतितोला एक लाख ३८ हजार सात सय र तेजावी सुन एक लाख ३८ हजार ५० रुपैयाँमा कारोबार भएको थियो ।
