काठमाडौँ, २४ भदौ –
यहाँस्थित अस्ट्रेलियाली दूतावासले २० परियोजना एवम् कार्यक्रमका लागि करिब रु चार करोड ६८ लाख सहयोग गरेको छ ।
अस्ट्रेलियाली राजदूत ग्लेन डारेन ह्वाइटले आज यहाँ आयोजित कार्यक्रममा उक्त रकम बराबरको चेक हस्तान्तरण गर्नुभएको थियो । मानवीय सेवामा आधारित सङ्घसंस्थालाई सहयोग गर्ने लक्ष्यका साथ दूतावासले प्रत्यक्ष सहयोग कार्यक्रम, २०१६–१७ मार्फत सहयोग रकम उपलब्ध गराइएको दूतावासले जारी गरेको विज्ञप्तिमा उल्लेख छ ।
दूतावासले साना तथा मझौला सहयोग कार्यक्रम मार्फत सो सहयोग उपलब्ध गराएको हो । रासस