पोखरा-
पोखरा उद्योग वाणिज्य संघको १३ औ महाधिवेशनबाट अध्यक्षमा विश्वशकर पालिखे विजयी भएका छन् ।
पालिखेले निकटतम प्रतिद्धन्दी देव क्षेत्रीलाई करिब एक सय ५ मतले पछि पार्दै विजयी भएका हुन् । अध्यक्षका अन्य प्रत्यासीमा तेस्रो स्थानमा नारायण कोइराला, चौथो स्थानमा हिरा भट्टराई चौथो, पाचौ स्थानमा ईश्वर कर्माचार्य र छैठौ स्थानमा धनिराम बराल रहे ।
विश्वशंकर पालिखेलेको प्यानलले पदाधिकारी र सदस्यमा दुबैतर्फ बर्चस्व कायम गरेको छ । पदाधिकारीहरु तर्फ बरिष्ठ उपाध्यक्षमा रविन्द्र बहादुर प्रजु, उद्योग तर्फको उपाध्यक्षमा गोकर्ण कार्की, महासचिवमा दामु अधिकारी र कोषाध्यक्षमा पवन कुमार प्रजापति पालिखे प्यानलबाट निर्वाचित भए।
बाणिज्य तर्फको उपाध्यक्षमा स्वतन्त्र उमेदवार विन्दु कोईराला सुवेदी निर्वाचित भइन् भने उपमहासचिवमा अर्जुन पोखरेल क्षेत्री प्यानलवाट विजयी भए । खुल्ला १० सदस्य तर्फ पनि पालिखे प्यानलबाट ८ जना निर्वाचित भए भने र क्षेत्री प्यानलबाट दुई जना मात्र निर्वाचित भएका छन् ।
त्यसैगरी संघको बस्तुगत तर्फ ४ सदस्यका लागि भएको निर्वाचनमा यमनाथ पौडेल, डिबी भुजेल, नारायणप्रसाद पौडेल र गिरीधारी अधिकारी विजयी भएका छन् । बस्तुगत तर्फ८ जना उम्मेदवार रहेका थिए। यमनाथ पौडेलले १४, डिबी भुजेलले १३, नारायणप्रसाद पौडेलले र गिरीधारी अधिकारीले १२/१२ मत ल्याएर उनीहरु बिजयी भएका छन् । उनीहरु सबै पालिखे प्यानल वाट आएका हुन् ।
संघको विधान अनुसार निर्वाचित २४ , अध्यक्षले मनोनित गर्ने चार र निवर्तमान अध्यक्ष एक गरी २९ सदस्यीय कार्यसमिति हुनेछ ।
