काठमाडौँ –
छापावाल सुनको मूल्य आज प्रतितोला रु एक हजार १०० ले घटेको छ ।
अन्तर्राष्ट्रिय बजारमा सुनको मूल्य घटेका कारण त्यसको प्रभाव स्वरुपमा नेपाली बजारमा प्रतितोला रु ५६ हजार ७०० मूल्य कायम भएको हो ।
अघिल्लो दिन सुनको मूल्य प्रतितोला रु ५७ हजार ८०० रहेको थियो ।बुधबार तेजावी सुनको मूल्य रु ५६ हजार ४५० मा कारोबार भयो ।
अघिल्लो असली चाँदीको मूल्य पनि प्रतितोला रु ८६० मा कायम भई कारोबार भएकामा बुधबार रु ३० घटेको नेपाल सुनचाँदी व्यवसायी सङ्घले जनाएको छ ।
सङ्घका अध्यक्ष माणिकरत्न शाक्यले अन्तर्राष्ट्रिय बजारमा अघिल्लो दिनको तुलनामा प्रतिऔँश ३५ अमेरिकी डलर घटेर एक हजार २८० डलरमा कारोबार भएको जानकारी दिनुभयो । दसैँको समयमा बजारमा सुनको मूल्य घट्दा उपभोक्ताको आकर्षण बढ्ने र कारोबारमा पनि सकारात्मक प्रभाव पर्ने विश्वास गरिएको छ । रासस
