अभिनेत्री सुस्मिता सेनले हालैमात्र प्रेमी रोहमन शलसँग ब्रेकअपको घोषणा गर्नुभयाे । रोहमनसँग करिब तीन वर्ष डेट गरेपछि अभिनेत्रीले सम्बन्ध सकिएको खुलाउनु भयाे । यी अभिनेत्रीले यसअघि झण्डै दश हेण्डसमसँग ब्रेकअप गरिसक्नुभएकाे छ । यो सूचीमा विक्रम भट्ट, रणदीप हुड्डा, बन्टी सचदेवादेखि लिएर इम्तियाज खत्रीसम्मको नाम छ ।
अभिनेत्री प्रियंका चोपडाको अफेयरको सूची पनि लामै छ । उहाँको प्रेम सम्बन्ध अभिनेता शाहरुख खानदेखि लिएर शाहिद कपुरसम्म थियो । उहाँको अफेयर हरमन बावेजासँग पनि थियो । यद्यपि उहाँले यी हेण्डसमसँग नभई हलिउड स्टार निक जोनससँग सम्बन्ध गाँस्नुभयाे ।
अर्की अभिनेत्री दीपिका पादुकोणको नाम धेरै हेण्डसमसँग जोडिएको छ । अभिनेता रणवीर सिंहसँग विवाह अघि उहाँको अफेयर रणवीर कपूरसँग थियो । यसअघि उहाँको नाम युवराज सिंह, सिद्धार्थ माल्या, निहार पाण्ड्या र उपेन पटेलसम्म जोडिएको थियो । सिंहबाहेक अन्य कुनै पनि हेण्डसमसँग उहाँको प्रेम सम्बन्ध लामो समयसम्म चल्न सकेन ।
बलिउड सुपरस्टार सलमान खानसँग ब्रेकअप पछि अभिनेत्री ऐश्वर्या रायको नाम विवेक ओबरोयसँग जोडियो । विवेकले जसै सलमानसँग झगडा गर्नुभयाे, त्यसपछि ऐश्वर्याले विवेकसँगको सम्बन्ध पनि तोड्नुभयाे । उहाँले विवेकको क्रियाकलाप ‘अपरिपक्व’ भएको प्रतिक्रिया दिनुभएकाे थियाे ।
अभिनेत्री जाह्नवी कपूरको नाम उहाँको डेब्यू फिल्म ‘धड्कन’ स्टार इशान खट्टरसँग जोडिएको थियो । फिल्मको प्री–लञ्च इभेन्टको समयमा उहाँहरु निकै नजिक देखिनु भएकाे थियाे । यसपछि उहाँहरु लामो समयसम्म सँगै देखिनु भयाे । उहाँहरुमा जसै प्रेमको तह बढिरहेको थियो, जाह्नवीका पिता बोनी कपुरले उहाँहरुको सम्बन्धलाई मान्यता दिनुभएन । त्यसपछि उहाँले ईशानसँग ब्रेकअप गर्नुभयाे ।
अभिनेत्री आलिया भट्ट हालका दिनमा अभिनेता रणवीर कपूरसँग डेट गरिरहनु भएकाे छ । यसअघि उहाँ अभिनेता सिद्धार्थ मल्होत्रासँगको डेटमा हुनुहुन्थ्याे । तर उहाँहरुको सम्बन्ध केही समयसम्म मात्र रह्यो ।
अभिनेत्री विपाशा बसु र अभिनेता जोन अब्राहमको सम्बन्ध निकै वर्षसम्म चल्यो । दुवै लिभ इन रिलेसनसिपमा हुनुहुन्थ्याे । उहाँहरुबीच मतभेद भएपछि अलग्गिने निर्णय लिनुभयाे । विपाशाले जोन अघि डिनो मारियासँग डेट गर्नुभएकाे थियाे ।
अभिनेत्री कटरीना कैफले हालैमात्र अभिनेता विकी कौशलसँग विवाह गर्नुभयाे । यसअघि उहाँको नाम सलमान खान र रणवीर कपूरसँग जोडिएको थियो । यसबाहेक उहाँ सिद्धार्थ माल्यासँगको प्रेममा पनि हुनुहुन्थ्याे ।
एक समय थियो, जब अभिनेत्री माधुरी दिक्षितको नाम अभिनेता सञ्जय दत्तसँग जोडिएको थियो । उहाँहरुको अफेयरको चर्चा खुबै भएको थियो । जसै सञ्जयको नाम सन् १९९३ को मुम्बई बम ब्लाष्टमा जोडियो, त्यसपछि माधुरीले तुरुन्तै सञ्जयसँग सम्बन्ध तोड्नुभयाे।
