पोखरा न्यूज । पोखरामा बेहुला चढेको कार दुर्घटना परेको छ । स्याङ्जाबाट नवलपुरको गैंडाकोट बेहुली लिन हिडेको ग २ च ८५५२ नं.को कार पोखराको तालचोक सडकखण्डमा दुर्घटनामा परेको हो ।
बिहान ९:५० बजेको समयमा पोखरातर्फबाट एकै दिशामा जाँदै गरेका कार र ग २ च ३११७ नं. को जीप ठक्कर खाँदा दुर्घटनामा भएको हो ।
दुर्घटनामा कुनै मानवीय क्षति भने नभएको प्रहरीले जनाएको छ । कारमा सवार आँधिखोला ३ का बेहुला २८ वर्षीय दीपक खत्री, कार चालक ३६ वर्षीय डिल्लीराम सुवेदीसहित बेहुलाका बुवा र दिदीबहिनी सबै सकुशल छन् ।
प्रत्यक्षदर्शीले जीपले अगाडिको कारलाई पछाडिबाट ठक्कर दिएको बताएका छन् । घटनास्थलमा रहेका ट्राफिक प्रहरी नायव निरीक्षक सुमन निउरेका अनुसार दुवै सवारी नियन्त्रणमा लिएर घटनाको सम्बन्धमा अनुसन्धान भइरहेको छ ।
